Nritya Gatha | बालवाचकांना भावली गोष्टी रूपातील ‘नृत्य-गाथा’
तुषार बोडखे, Maharashtra Times | Nov 13, 2017
औरंगाबादः भारतीय नृत्य परंपरेचा इतिहास लहान मुलांना सहजसोप्या भाषेत सांगणारे ‘नृत्य-गाथा’ पुस्तक विशेष लोकप्रिय झाले आहे. जगभरातून पुस्तकाला विशेष मागणी असून, प्रादेशिक भाषांत अनुवादाचे काम झाले आहे. ‘महागामी’ संस्थेच्या संचालिका पार्वती दत्ता यांनी पुस्तकाचे लेखन केले आहे. शास्त्रीय नृत्याच्या नऊ प्रकारांची सचित्र माहिती यातून देण्यात आली आहे.
शास्त्रीय नृत्य परंपरा जपणाऱ्या ‘महागामी’ संस्थेने लहान मुलांसाठी महत्त्वाकांक्षी पुस्तक प्रकल्प हाती घेतला आहे. ‘नृत्य-गाथा’ या सचित्र पुस्तकाच्या माध्यमातून नऊ शास्त्रीय नृत्यांची माहिती बालवाचकांना उपलब्ध केली आहे. कथक, ओडिसी, भरतनाट्यम, मणिपुरी, कथकली, कुचिपुडी, मोहिनीअट्टम, छाऊ, सत्रिया नृत्याची सर्वांगिण माहिती मुलांच्या सामान्यज्ञानात भर घालणारी आहे. पाश्चात्य नृत्याकडे कल असलेल्या मुलांना शास्त्रीय नृत्य माहिती नाही. या परिस्थितीचे गांभीर्य ओळखून ‘महागामी’च्या संचालक आणि प्रसिद्ध नृत्यांगणा पार्वती दत्ता यांनी ‘नृत्य-गाथा’ पुस्तक लिहिले. मुलांची आवड लक्षात घेऊन गोष्टीरूपाने नृत्याची माहिती दिली. ‘मुलांच्या व्यक्तिमत्व विकासात पुस्तकांचा वाटा असतो. नृत्याचा इतिहास जाणून घेत मुले चौकस झाल्याचा अनुभव आला,’ असे दत्ता यांनी सांगितले. इतिहास, तंत्र, विशेषता आणि व्यक्तिरेखा या चार टप्प्यांतून मुलांना नृत्य समजून घेणे सोपे झाले. कॉमिकच्या धर्तीवर पुस्तकाची रचना आहे. दर्जेदार आशयाच्या पुस्तकाला उठावदार करण्यात रोमा कशिळकर, कुणाल वाघ आणि कॅसेंड्रा फर्नांडिस यांनी रेखाटलेल्या चित्रांचाही वाटा आहे. पुस्तकातील व्यक्तिरेखा मुलांमध्ये लोकप्रिय झाल्या आहेत. ई-बुकच्या माध्यमातून जगभरात पुस्तकाची मागणी वाढली आहे. अनाथाश्रम, सामाजिक संस्था यांना ‘नृत्य-गाथा’ पुस्तक भेट देण्यात आले आहे.
सात भाषेत अनुवाद
सध्या मराठी, हिंदी, इंग्रजी आणि बंगाली भाषेत पुस्तक उपलब्ध आहे. देशभरातून पुस्तकाला मागणी असल्याने इतर प्रादेशिक भाषेत अनुवाद केला आहे. कानडी आणि मल्याळम अनुवाद पूर्ण झाला आहे. विशेष म्हणजे चिनी भाषेतसुद्धा पुस्तक येणार आहे. शास्त्रीय नृत्य परंपरा सर्वदूर पोहचवण्यासाठी प्रकल्प व्यापक करण्यात आला आहे.
लहान मुलांना डोळ्यासमोर ठेवून पुस्तक लिहिले. शास्त्रीय नृत्यातील अप्रचलित शब्द कळण्यासाठी पुस्तकाच्या शेवटी शब्दावली आहे. आता प्रत्येक नृत्य प्रकारावर स्वतंत्र पुस्तक लिहीत आहे. - पार्वती दत्ता, संचालक, महागामी संस्था
तुषार बोडखे, Maharashtra Times | Nov 13, 2017
औरंगाबादः भारतीय नृत्य परंपरेचा इतिहास लहान मुलांना सहजसोप्या भाषेत सांगणारे ‘नृत्य-गाथा’ पुस्तक विशेष लोकप्रिय झाले आहे. जगभरातून पुस्तकाला विशेष मागणी असून, प्रादेशिक भाषांत अनुवादाचे काम झाले आहे. ‘महागामी’ संस्थेच्या संचालिका पार्वती दत्ता यांनी पुस्तकाचे लेखन केले आहे. शास्त्रीय नृत्याच्या नऊ प्रकारांची सचित्र माहिती यातून देण्यात आली आहे.
शास्त्रीय नृत्य परंपरा जपणाऱ्या ‘महागामी’ संस्थेने लहान मुलांसाठी महत्त्वाकांक्षी पुस्तक प्रकल्प हाती घेतला आहे. ‘नृत्य-गाथा’ या सचित्र पुस्तकाच्या माध्यमातून नऊ शास्त्रीय नृत्यांची माहिती बालवाचकांना उपलब्ध केली आहे. कथक, ओडिसी, भरतनाट्यम, मणिपुरी, कथकली, कुचिपुडी, मोहिनीअट्टम, छाऊ, सत्रिया नृत्याची सर्वांगिण माहिती मुलांच्या सामान्यज्ञानात भर घालणारी आहे. पाश्चात्य नृत्याकडे कल असलेल्या मुलांना शास्त्रीय नृत्य माहिती नाही. या परिस्थितीचे गांभीर्य ओळखून ‘महागामी’च्या संचालक आणि प्रसिद्ध नृत्यांगणा पार्वती दत्ता यांनी ‘नृत्य-गाथा’ पुस्तक लिहिले. मुलांची आवड लक्षात घेऊन गोष्टीरूपाने नृत्याची माहिती दिली. ‘मुलांच्या व्यक्तिमत्व विकासात पुस्तकांचा वाटा असतो. नृत्याचा इतिहास जाणून घेत मुले चौकस झाल्याचा अनुभव आला,’ असे दत्ता यांनी सांगितले. इतिहास, तंत्र, विशेषता आणि व्यक्तिरेखा या चार टप्प्यांतून मुलांना नृत्य समजून घेणे सोपे झाले. कॉमिकच्या धर्तीवर पुस्तकाची रचना आहे. दर्जेदार आशयाच्या पुस्तकाला उठावदार करण्यात रोमा कशिळकर, कुणाल वाघ आणि कॅसेंड्रा फर्नांडिस यांनी रेखाटलेल्या चित्रांचाही वाटा आहे. पुस्तकातील व्यक्तिरेखा मुलांमध्ये लोकप्रिय झाल्या आहेत. ई-बुकच्या माध्यमातून जगभरात पुस्तकाची मागणी वाढली आहे. अनाथाश्रम, सामाजिक संस्था यांना ‘नृत्य-गाथा’ पुस्तक भेट देण्यात आले आहे.
सात भाषेत अनुवाद
सध्या मराठी, हिंदी, इंग्रजी आणि बंगाली भाषेत पुस्तक उपलब्ध आहे. देशभरातून पुस्तकाला मागणी असल्याने इतर प्रादेशिक भाषेत अनुवाद केला आहे. कानडी आणि मल्याळम अनुवाद पूर्ण झाला आहे. विशेष म्हणजे चिनी भाषेतसुद्धा पुस्तक येणार आहे. शास्त्रीय नृत्य परंपरा सर्वदूर पोहचवण्यासाठी प्रकल्प व्यापक करण्यात आला आहे.
लहान मुलांना डोळ्यासमोर ठेवून पुस्तक लिहिले. शास्त्रीय नृत्यातील अप्रचलित शब्द कळण्यासाठी पुस्तकाच्या शेवटी शब्दावली आहे. आता प्रत्येक नृत्य प्रकारावर स्वतंत्र पुस्तक लिहीत आहे. - पार्वती दत्ता, संचालक, महागामी संस्था
No comments:
Post a Comment