Guru Poornima | तालबद्ध पदन्यासाची मोहिनी; नृत्य महोत्सवाचा समारोप
मटा ऑनलाइन | Nov 14, 2017
पदलालित्य आणि नादमाधुर्याचा मिलाफ साधणारा ‘तस्मै श्री गुरूवे नमः’ नृत्य महोत्सव लक्षवेधी ठरला. गुरू पार्वती दत्ता आणि शिष्यांनी उत्कट नृत्याचे दर्शन घडवले. या दोन दिवसीय महोत्सवाची रविवारी सांगता झाली.
महागामी संस्थेच्या वतीने गुरू-शिष्य परंपरेची महती कथन करणारा ‘तस्मै श्री गुरूवे नमः’ हा दोन दिवसांचा नृत्य महोत्सव घेण्यात आला. एमजीएम कॅम्पसमधील रूक्मिणी सभागृहात रविवारी सायंकाळी महोत्सवाची सांगता झाली. ‘राग गावती’ आणि तीनतालावर आधारीत ‘उद्भव’ प्रकार ‘महागामी’च्या शिष्यांनी सादर केला. संत नंददास लिखित ‘रास पंचध्यायी’ रसिकांसाठी पर्वणी ठरले. या नृत्य रचनेत श्रीकृष्ण आणि गोपीच्या रासलीला नृत्यातून उलगडण्यात आल्या. कथ्थक नृत्यातून या नात्याचे विलोभनीय दर्शन घडले. ‘मधुराष्टकम्’ प्रकारात कृष्ण सौंदर्याची महती उलगडली. नादमाधुर्य आणि लयबद्ध पदन्यासाने या नृत्याला अधिक उठावदार केले. ‘आरंभ’ अभ्यासक्रमाच्या लहान शिष्यांनी ‘यतो हस्त ततो दृष्टी’चे सादरीकरण केले. तालबद्ध पदन्यासाला रसिकांनी भरभरून प्रतिसाद दिला. वरिष्ठ शिष्यांनी राग ‘मारू बिहाग’वर आधारीत पदन्यास उलगडला. अभिनय प्रकारातून वसकसज्जा, अभिसारीका, स्वधिनपतिका, विप्रलब्ध, खंडीत नायिकांचा हा शोधप्रवास लक्षणीय ठरला. ब्रज भाषेतील पद सादर करून एकल नृत्याद्वारे पार्वती दत्ता यांनी महोत्सवाचा समारोप केला. यावेळी रसिक मोठ्या संख्येने उपस्थित होते.
मटा ऑनलाइन | Nov 14, 2017
पदलालित्य आणि नादमाधुर्याचा मिलाफ साधणारा ‘तस्मै श्री गुरूवे नमः’ नृत्य महोत्सव लक्षवेधी ठरला. गुरू पार्वती दत्ता आणि शिष्यांनी उत्कट नृत्याचे दर्शन घडवले. या दोन दिवसीय महोत्सवाची रविवारी सांगता झाली.
महागामी संस्थेच्या वतीने गुरू-शिष्य परंपरेची महती कथन करणारा ‘तस्मै श्री गुरूवे नमः’ हा दोन दिवसांचा नृत्य महोत्सव घेण्यात आला. एमजीएम कॅम्पसमधील रूक्मिणी सभागृहात रविवारी सायंकाळी महोत्सवाची सांगता झाली. ‘राग गावती’ आणि तीनतालावर आधारीत ‘उद्भव’ प्रकार ‘महागामी’च्या शिष्यांनी सादर केला. संत नंददास लिखित ‘रास पंचध्यायी’ रसिकांसाठी पर्वणी ठरले. या नृत्य रचनेत श्रीकृष्ण आणि गोपीच्या रासलीला नृत्यातून उलगडण्यात आल्या. कथ्थक नृत्यातून या नात्याचे विलोभनीय दर्शन घडले. ‘मधुराष्टकम्’ प्रकारात कृष्ण सौंदर्याची महती उलगडली. नादमाधुर्य आणि लयबद्ध पदन्यासाने या नृत्याला अधिक उठावदार केले. ‘आरंभ’ अभ्यासक्रमाच्या लहान शिष्यांनी ‘यतो हस्त ततो दृष्टी’चे सादरीकरण केले. तालबद्ध पदन्यासाला रसिकांनी भरभरून प्रतिसाद दिला. वरिष्ठ शिष्यांनी राग ‘मारू बिहाग’वर आधारीत पदन्यास उलगडला. अभिनय प्रकारातून वसकसज्जा, अभिसारीका, स्वधिनपतिका, विप्रलब्ध, खंडीत नायिकांचा हा शोधप्रवास लक्षणीय ठरला. ब्रज भाषेतील पद सादर करून एकल नृत्याद्वारे पार्वती दत्ता यांनी महोत्सवाचा समारोप केला. यावेळी रसिक मोठ्या संख्येने उपस्थित होते.
No comments:
Post a Comment